భారత్‌లో అంబానీనే బాసా? : ఎలాన్ మస్క్‌ ప్రశ్న

వాషింగ్టన్: భారత్‌లో స్టార్‌లింక్‌ సేవలకు అనుమతి రావడంలో ఆలస్యం కావడంపై టెస్లా అధినేత ఎలాన్ మస్క్‌ అసహనం వ్యక్తం చేశారు. ఈ నేపథ్యంలో రిలయన్స్‌ అధినేత ముకేశ్‌ అంబానీని ఉద్దేశించి భారత్‌లో ఆయనే బాసా? అంటూ ప్రశ్నించారు. గత ఐదేళ్లుగా అన్ని నిబంధనలను పాటిస్తున్నప్పటికీ, భారత్‌లో స్టార్‌లింక్‌కు లైసెన్స్‌ ఎందుకు రావడం లేదని మస్క్‌ సోషల్‌ మీడియా వేదిక ఎక్స్‌ లో ప్రశ్నించారు. ఈ క్రమంలో భారత్‌లో అంబానీనే అసలైన బాసా? అని వ్యాఖ్యానించారు. అయితే, స్టార్‌లింక్‌ అనుమతులకు సంబంధించి భద్రతాపరమైన పరిశీలనలు కొనసాగుతున్నాయని కేంద్ర ప్రభుత్వం స్పష్టం చేసింది. అన్ని సంస్థలకూ ఒకే విధమైన నిబంధనలు వర్తిస్తాయని తెలిపింది. ఈ వ్యవహారంపై స్పందన కోరగా, రిలయన్స్‌ జియో ఛైర్మన్‌ ఆకాశ్‌ అంబానీ నుంచి ఎలాంటి సమాధానం రాలేదు.