"సార్! చాలా ఎండగా ఉంది.. వాటర్‌ క్యానన్ ఎందుకు వాడటం లేదు?"

- విద్యార్థుల వ్యాఖ్యతో పోలీసుల చర్య
- రోడ్డుపై డ్యాన్స్ చేసిన నిరసనకారులు

పాట్నా: బీహార్ రాజధాని పాట్నాలో విద్యార్థుల నిరసన సందర్భంగా ఆసక్తికర ఘటన చోటుచేసుకుంది. పోలీసుల ఎదుట నిలిచిన ఓ విద్యార్థి, "పోలీస్ సార్.. చాలా ఎండగా ఉంది. మాపై వాటర్ క్యానన్ ఎందుకు వాడటం లేదు?" అంటూ సరదాగా వ్యాఖ్యానించాడు. విద్యార్థి వ్యాఖ్య చేసిన కొద్దిసేపటికే పోలీసులు నిరసనకారులను చెదరగొట్టేందుకు వాటర్ క్యానన్లను ప్రయోగించారు. అయితే, నీటి ధారలకు భయపడి అక్కడి నుంచి వెళ్లిపోవడానికి బదులుగా విద్యార్థులు రోడ్డుపైనే డ్యాన్స్ చేస్తూ నిరసనను కొనసాగించారు. ఈ ఘటనకు సంబంధించిన వీడియో సామాజిక మాధ్యమాల్లో వైరల్‌గా మారింది. విద్యార్థుల సరదా స్పందనపై నెటిజన్లు స్పందిస్తూ వీడియోను విస్తృతంగా పంచుకుంటున్నారు.