యుఎస్‌ ఓపెన్‌ మహిళల విజేత రిబకినా

న్యూయార్క్‌: యుఎస్‌ ఓపెన్‌ మహిళల సింగిల్స్‌ టైటిల్‌ను కజకిస్థాన్‌ క్రీడాకారిణి రిబకినా కైవసం చేసుకుంది. ఆదివారం జరిగిన ఫైనల్‌లో బెలారస్‌ క్రీడాకారిణి సబలెంకాపై 6-4, 5-7, 6-2 తేడాతో విజయం సాధించింది. తొలి సెట్‌ను రిబకినా గెలుచుకోగా, రెండో సెట్‌లో సబలెంకా పుంజుకుంది. నిర్ణయాత్మక మూడో సెట్‌లో రిబకినా ఆధిపత్యం ప్రదర్శించి మ్యాచ్‌తో పాటు టైటిల్‌ను సొంతం చేసుకుంది. దీంతో తొలిసారి యుఎస్‌ ఓపెన్‌ టైటిల్‌ను గెలిచిన రిబకినా, మహిళల టెన్నిస్ అసోసియేషన్‌ సింగిల్స్‌ ర్యాంకింగ్స్‌లో అగ్రస్థానానికి చేరుకుంది. ఈ ఘనత సృస్టించిన తొలి కజకిస్థాన్‌ క్రీడాకారిణిగా చరిత్ర సృష్టించింది. అలానే కజకిస్థాన్‌కు చెందిన ఎలెనా రిబకినాకిది కెరీర్‌లో మూడో గ్రాండ్‌స్లామ్ టైటిల్. ఈ క్రమంలో ఆమె ఓ ఘనతను తన ఖాతాలో వేసుకుంది. ఒకే ఏడాదిలో రెండు గ్రాండ్‌స్లామ్‌ ఫైనల్స్‌లో నంబర్ వన్ ర్యాంకర్‌ను ఓడించిన రెండో టెన్నిస్‌ ప్లేయర్‌గా నిలిచింది. ఇంతకుముందు 1995లో స్టెఫీగ్రాఫ్‌ ఈ ఘనతను నమోదు చేసింది. ఇప్పుడు దాదాపు 31 ఏళ్ల తర్వాత రిబకినా సాధించింది.