దిమాగున్న యువతరమిది
దబాయింపు పనిచెయ్యదు!
నిలదేసే వాళ్లెవరూ బెదరిపోరు, చెదరిపోరు!
కొలువులేని చదువులిచ్చు - విలువలేని డిగ్రీలు;
ముసురుకున్న చీకటిలో - విసిగి వేసారెను యువత.
దిమాగున్న యువతరమిది...
ధనదాహపు ప్రైవేటు చదువు, కోచింగు సెంటర్ల మాయ
మాఫియాల దగుల్బాజీ, ప్రతిసారీ లీకేజీ!
ప్రశ్నిస్తే, నిలదీస్తే – లాఠీలు, బ్యారికేడ్లు!
దిమాగున్న యువతరమిది...
మేలుకుంది, మేటి యువత – మభ్యపెట్టి, మాయజేయు,
ఎత్తులింక ఫలించవు;
జంకుగొంకు లేనిది ఈ కొత్త యుగపు జనుల గళం!
దిమాగున్న యువతరమిది...
కొత్త నీరు వచ్చి చేరె, ఆగదింక ప్రవాహము!
మారుతోంది, గాలి చూడు!
పైకెత్తు తెరచాప, చేబట్టు చుక్కాని!
రానున్నవి సుదినాలు, ప్రజాపక్ష విజయాలు!
దిమాగున్న యువతరమిది...
- ఉణుదుర్తి సుధాకర్
కామెంట్లు (0)