లక్ష్యసేన్ ఓటమి
డెన్మార్క్‌ ఓపెన్‌ బ్యాడ్మింటన్‌ టోర్నీ
డెన్మార్క్‌ ఓపెన్‌ సూపర్‌-750 బ్యాడ్మింటన్‌ టోర్నీలో భారత యువ షట్లర్‌ లక్ష్యసేన్ అనూహ్యంగా తొలిరౌండ్‌లోనే ఓటమిపాలయ్యాడు. మంగళవారం నుంచి ప్రారంభమైన డెన్మార్క్‌ ఓపెన్‌లో లక్ష్యసేన్ తొలిరౌండ్‌లో చైనీస్‌ తైపీకి చెందిన ఛౌ-టిన్‌-చెన్‌ చేతిలో పోరాడి ఓడాడు. హోరాహోరీగా సాగిన ఈ గేమ్‌లో లక్ష్యసేన్ 18-21, 21-13, 15-21మూడుసెట్ల పోరులో ఓటమిపాలయ్యాడు. తొలి గేమ్‌ను పోరాడి ఓడిన లక్ష్యసేన్ రెండో గేమ్‌ను చేజిక్కించుకొని ఫామ్‌లోకి వచ్చాడు. ఇక మూడో, చివరి గేమ్‌లోనూ పోరాడినా.. తనకంటే ర్యాంకింగ్స్‌లో ముందున్న ఛౌ-టిన్‌ చేతిలో ఓడాడు. బిడబ్ల్యుఎఫ్‌ ప్రపంచ ఛాంపియన్‌షిప్‌లోనూ లక్ష్యసేన్ ప్రపంచ 92వ ర్యాంకర్‌, అమెరికాకు చెందిన గారెట్‌ టాన్‌ చేతిలో 21-19, 19-21, 17-21తో పరాజయం పాలయ్యాడు. ఇక కిదాంబి శ్రీకాంత్‌ 22-20, 21-19తో ఫ్రాన్స్‌కఉ చెందిన ఆర్మడ్‌ మెర్కెల్‌పై గెలుపొందాడు. ఇక మహిళల సింగిల్స్‌లో తాన్వీ శర్మ 21-17, 16-21, 21-19తో జపాన్‌కు చెందిన నట్క్సుకిని చిత్తుచేసి రెండోరౌండ్‌కు చేరారు.
కామెంట్‌లు (0)