అర్ధవీడులో మాజీ ఎంపీపీ పురుషోత్తం రెడ్డి కారు, బైక్‌కు నిప్పు

ప్రజాశక్తి-అర్ధవీడు: ప్రకాశం జిల్లా అర్ధవీడు మండల కేంద్రంలో టీడీపీకి చెందిన మాజీ ఎంపీపీ పురుషోత్తం రెడ్డికి చెందిన కారు, బైక్‌కు రాత్రి గుర్తుతెలియని వ్యక్తులు పెట్రోల్ పోసి నిప్పంటించారు. ఈ ఘటనలో కారు, బైక్‌ పూర్తిగా పూర్తిగా దగ్ధమయ్యాయి. ఈ ఘటన స్థానికంగా చర్చనీయాంశంగా మారింది.

మాజీ ఎంపీపీకి చెందిన వాహనాలను లక్ష్యంగా చేసుకుని నిప్పంటించడం వెనుక రాజకీయ కక్షలు ఉన్నాయా? లేక ఇతర కారణాలేమైనా ఉన్నాయా? అనే అంశాలపై స్పష్టత రావాల్సి ఉంది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.