Print Editionగ్రూప్-1 ప్రిలిమ్స్‌‌కు ఉచిత శిక్షణ..

ప్రజాశక్తి-అమరావతి బ్యూరో : ఎపిపిఎస్సి నిర్వహించనున్న గ్రూప్-1 ప్రిలిమ్స్‌(2026) పరీక్షకు అర్హత కలిగిన ఎస్సి, ఎస్టి అభ్యర్థులకు ఉచిత శిక్షణకు దరఖాస్తులు ఆహ్వానిస్తున్నట్లు సాంఘిక సంక్షేమ శాఖ వెల్లడిచింది. విజయవాడలోని బి.ఆర్‌. అంబేద్కర్‌ స్టడీ సర్కిల్‌ ఆధ్వర్యంలో ఈ శిక్షణను ఇవ్వనున్నట్లు గురువారం ఒక ప్రకటనలో తెలిపింది. కోచింగ్‌ కాలవ్యవధి 3 నెలలు కాగా, మొత్తం 150 సీట్లు అందుబాటులో ఉన్నట్లు తెలిపింది. అభ్యర్థుల ఎంపిక గ్రూప్‌-1 ప్రిలిమ్స్‌ అర్హత ప్రమాణాల ఆధారంగా జరుగుతుందని పేర్కొంది. ఎంపికైన అభ్యర్థులకు ఉచిత శిక్షణతో పాటు ఇతర సదుపాయాలు కల్పించనున్నట్లు తెలిపింది. ఈ నెల 6 నుంచి 10 వరకు ఆన్‌‌లైన్‌‌లో దరఖాస్తులు సమర్పించాలని, 12 నుంచి హాల్‌ ‌టికెట్ల మంజూరు, 15న స్ర్కీనింగ్‌ ‌టెస్ట్‌ నిర్వహించనున్నట్లు తెలిపింది. శిక్షణ తరగతులు ఈ నెల 21 నుంచి ప్రారంభం కానున్నాయని వెల్లడించింది. బోధన, వసతి, స్టడీ మెటీరియల్‌, వారాంతపు పరీక్షలు, మెంటరింగ్‌ తదితర సదుపాయాలు అందించనున్నట్లు పేర్కొంది. అభ్యర్థులు apstudycircle.apcfss.in వెబ్‌సైట్‌ ద్వారా దరఖాస్తు చేసుకోవాలని సూచించింది. మరిన్ని వివరాలకు 9493343866 నంబర్‌ను సంప్రదించవచ్చని తెలిపింది.