తెగిపడిన విద్యుత్ వైర్‌తో తల్లి, కొడుకు మృతి

ప్రజాశక్తి- బాపట్ల: బాపట్ల మండలం చెరువు ఉప్పరపాలెంలో విషాద ఘటన చోటుచేసుకుంది. తెగిపడిన విద్యుత్ వైర్ తగలడంతో తల్లి, కొడుకు విద్యుదాఘాతానికి గురై మృతి చెందారు. మృతులను ఉప్పరపాలెం గ్రామానికి చెందిన వారిగా గుర్తించారు. ఈ ఘటనతో గ్రామంలో విషాదఛాయలు అలుముకున్నాయి. సమాచారం అందుకున్న విద్యుత్ అధికారులు, పోలీసులు ఘటనాస్థలానికి చేరుకున్నారు. మృతదేహాలను పోస్టుమార్టం నిమిత్తం ఆసుపత్రికి తరలించారు. ఘటనపై పోలీసులు దర్యాప్తు చేస్తున్నారు.