ఎంపీ వైఎస్ అవినాష్ రెడ్డికి పోలీసుల నోటీసులు

ప్రజాశక్తి – పులివెందుల టౌన్ : కడప పార్లమెంటు సభ్యుడు వైఎస్ అవినాష్ రెడ్డికి పులివెందుల పట్టణ సీఐ పురుషోత్తం రాజు నోటీసులు అందజేశారు. శనివారం పట్టణంలోని వైసీపీ కార్యాలయంలో ఎంపీ అవినాష్ రెడ్డికి ఈ నోటీసులు అందించారు. స్థానిక ఎన్నికల నేపథ్యంలో పులివెందుల పట్టణంలో 144 సెక్షన్‌తో పాటు 30 పోలీసు చట్టం అమలులో ఉన్నాయని నోటీసుల్లో పేర్కొన్నారు. పట్టణంలో ఎలాంటి ర్యాలీలు, ధర్నాలు నిర్వహించడానికి అనుమతి లేదని స్పష్టం చేశారు. ఎన్నికల నిబంధనలను పాటిస్తూ, ఎన్నికలు ప్రశాంతంగా జరిగేందుకు సహకరించాలని ఎంపీ అవినాష్ రెడ్డిని కోరారు.