శ్రీవారి దర్శనానికి సిఫారసు లేఖలకు తాత్కాలిక బ్రేక్‌

ప్రజాశక్తి-తిరుమల: ఏపీ వ్యాప్తంగా ఎన్నికల కోడ్ అమల్లో ఉన్న నేపథ్యంలో శ్రీవారి దర్శనానికి ఎలాంటి సిఫారసు లేఖలు అనుమతించబోమని టిటిడి స్పష్టం చేసింది. ఈ మేరకు మంగళవారం ఒక ప్రకటన విడుదల చేసింది. స్వయంగా వచ్చే ప్రొటోకాల్‌ ప్రముఖులకు మాత్రమే దర్శనం, వసతి కల్పించనున్నట్లు తెలిపింది. ఎన్నికల ప్రవర్తనా నియమావళి అమల్లో ఉన్నంత వరకు ఇది వర్తిస్తుందని, యాత్రికులు విషయాన్ని గుర్తించి సహకరించాలని టిటిడి విజ్ఞప్తి చేసింది.