ముగిసిన టెట్‌

ప్రజాశక్తి-అమరావతి బ్యూరో : ఉపాధ్యాయ అర్హత పరీక్ష(టెట్‌)-2026 ముగిసింది. ఈ నెల 5 నుంచి ఆదివారం జరిగిన పరీక్షలు ప్రశాంతంగా జరిగాయని టెట్‌ ‌కన్వీనర్‌ ఎంవి కృష్ణారెడ్డి ఒక ప్రకటనలో తెలిపారు. చివరి రోజైన ఆదివారం మొదటి సెషన్‌‌లో నిర్వహించిన పేపర్‌-2ఎ ‌మ్యాథ్స్‌, సైన్స్‌‌ను 61 పరీక్షా కేంద్రాల్లో నిర్వహించామని తెలిపారు. రెండో సెషన్‌‌లో నిర్వహించిన పేపర్‌-2ఎ లాంగ్వేజ్‌(ఇంగ్లీష్‌)ను 65 కేంద్రాల్లో జరిగాయని పేర్కొన్నారు. మొత్తంగా 11 రోజుల పాటు ఉదయం, మధ్యాహ్నం రెండు సెషన్‌‌లో 103 పరీక్షా కేంద్రాల్లో నిర్వహించామని తెలిపారు. మొత్తం 2,38,252 మంది అభ్యర్థులు దరఖాస్తు చేసుకోగా 2,18,254 మంది అభ్యర్థులు (91.61శాతం) హాజరయ్యారని వెల్లడించారు.