వైసిపి రాష్ట్ర ప్రచార అధ్యక్షుడు రాజశేఖర్‌ మృతి

ప్రజాశక్తి-ప్రకాశం : వైసిపి రాష్ట్ర ప్రచార అధ్యక్షుడు కాకుమాను రాజశేఖర్‌ గురువారం హైదరాబాద్‌లోని తన నివాసంలో గుండెపోటుతో ఆకస్మికంగా మృతి చెందినట్లు పార్టీ వర్గాలు తెలిపాయి. ఆయన మృతదేహాన్ని గురువారం మధ్యాహ్నం ఒంగోలుకు తరలించనున్నట్లు పేర్కొన్నారు. రాజశేఖర్‌ మృతికి ఆ పార్టీ జిల్లా అధ్యక్షుడు డాక్టర్‌ బూచేపల్లి శివప్రసాద్‌రెడ్డి, ఒంగోలు అసెంబ్లీ నియోజకవర్గ ఇన్‌చార్జి చుండూరు రవిబాబు ప్రగాఢ సంతాపం తెలిపారు. ఆయన మృతి నేపథ్యంలో గురువారం జరగాల్సిన పార్టీ విస్తృత సమావేశాన్ని వాయిదా వేసినట్లు పార్టీ వర్గాలు వెల్లడించాయి.