ఐడీ కార్డ్

ప్రతి ప్రవేశద్వారం

గుర్తింపు కార్డు చూపమంటుంది

మేము జేబులు తడుముకుంటుంటే

మీరు నొసలు చిట్లిస్తుంటారు!

​

ఏ గుర్తింపు పత్రం ఉంటే

దేశం మాదవుతుందో తెలీదు

మేమూ ఈ దేశ పౌరులమేనని

ఏ కాయితం రుజువు చేస్తుందో తెలీదు

​

కావాలంటే

మా రక్తం క్యూ ఆర్ కోడ్

స్కాన్ చేసి తనిఖీ చేసుకోండి

ఈ దేశపు డీఎన్‌ఏతో

తప్పక మ్యాచ్ అవుతుంది!

​

నెత్తురును మించిన

ఐడీ కార్డ్

ఏముంటుంది దొరా?

​

మీరు ఎన్ని రకాల

కార్డుల్నైనా మార్చుకోండి

ఈ మట్టి పొరల దిగువనే

మా అసలు గుర్తింపు కార్డులున్నాయి

కావాలంటే తవ్వి చూసుకోండి

​- కంచరాన భుజంగరావు

94415 89602