ఒకటే స్వరం

ఒకపిట్ట మా చెట్టు కొమ్మ మీద

పది రోజులుగా

అరుస్తోంది.. రెక్కల పిడికిట్లో

రాజ్యాంగం ఉంది

​

గింజలకు బదులు

రబ్బరు బులెట్లు మింగింది

శరీరాన్ని మొత్తం జల్లెడ చేసిన

కర్ర మేకుల్ని వంచింది

​

నీటి తుపానుల్లో నిలబడి

ఎండని, వానని

ఆకలిని సైతం లెక్కచేయకుండా

నిరసించింది..

చెట్టుని నరకాలనే గొడ్డలి

భయంతో తిరిగి పారిపోయింది

​

ఇప్పుడు పక్షులన్నీ ఒకటే పాట

ఆకాశమంతా ఒకటే స్వరం

జైభీం.. జైజైభీం..

రాజ్యాంగం వర్ధిల్లాలి

ప్రజాస్వామ్యం వర్ధిల్లాలి

​

నేలపూరి రత్నాజీ

8919998753