LIVE: నిర్బంధంలో ఢిల్లీ - ఓట్ చోర్ నిరసన

అభిజీత్ దీప్కే ముందుగానే రికార్డ్ చేసిన వీడియో . ..

అభిజీత్ దీప్కే, సౌరవ్ దాస్ మరియు అశుతోష్ రాంకా నిర్బంధంలో ఉన్నంత వరకు, సీజేపీ ఆర్గనైజేషన్ ఇన్‌చార్జ్ అజింక్య షిండే జంతర్ మంతర్ వద్ద ఈ నిరసనను కొనసాగిస్తారు. అరెస్టు జరిగే అవకాశం ఉందని ఊహించి, అభిజీత్ నిన్న రాత్రి ఈ వీడియోను ముందుగానే రికార్డ్ చేశారు.

జెన్-జెడ్ నిరసనకారులు మొదటి బారికేడ్‌ను దాటారు..

న్యూఢిల్లీలోని ఢీల్లీ హాట్ సమీపంలో నేహా బోరా, ప్రశాంత్ భూషణ్, యోగేంద్రయాదవ్ మరియు తదితరులు నిరసన తెలిపారు.

బస్సును ఆడుకున్న న్యాయవాదులు

న్యూఢిల్లీ: సీఈసీ వ్యతిరేకంగా నిరసనలు తెలిపిన ఆందోళనకారులను అదుపులోకి తీసుకున్న పోలీసులు వారిని బస్సులో తరలిస్తుండగా సుప్రీంకోర్టు వెలుపల న్యాయవాదులు బస్సును అడ్డగించి, నిరసన చేపట్టారు.

పోలీసుల అదుపులో త్రిపుర మాజీ ముఖ్యమంత్రి మాణిక్ సర్కార్‌

న్యూఢిల్లీ: శనివారం న్యూఢిల్లీలో సీఈసీ వ్యతిరేక నిరసనలో పాల్గొన్న త్రిపుర మాజీ ముఖ్యమంత్రి మాణిక్ సర్కార్‌ను పోలీసులు అదుపులోకి తీసుకున్నారు.

''మేనల్లుడికి చికిత్స కోసం వస్తే అరెస్టు చేశారు''

ఢిల్లీ : "నాకు ఢిల్లీ గురించి ఏమీ తెలియదు, వీళ్ళు నన్ను తీసుకెళ్ళారు" - తన మేనల్లుడికి చికిత్స చేయించడానికి ఢిల్లీకి వచ్చిన వ్యక్తి ఆవేదన.

జంతర్ మంతర్ 2.0

ఢిల్లీ : శనివారం న్యూఢిల్లీలో సీఈసీ వ్యతిరేక నిరసనల నేపథ్యంలో గురుద్వారా బంగ్లా సాహిబ్ గోల్ చక్కర్ వద్ద ఎస్ఎఫ్ఐ జాతీయ సంయుక్త కార్యదర్శి ఐషే ఘోష్‌ను పోలీసులు అదుపులోకి తీసుకున్నారు.

ఢిల్లీలో జర్నలిస్టులపై నిర్బంధం.. ఇద్దరు జర్నలిస్టులను పోలీస్ స్టేషన్‌కు తరలింపు

ఢిల్లీ: ఢిల్లీలో నిరసనల కవరేజీకి వెళ్తున్న జర్నలిస్టులను పోలీసులు అడ్డుకుంటున్నట్లు సమాచారం. ప్రెస్ ఇన్ఫర్మేషన్ బ్యూరో (PIB) అక్రిడిటేషన్ కార్డు లేని వారిని అనుమతించడం లేదని జర్నలిస్టులు ఆగ్రహించారు. ఈ క్రమంలో ఇద్దరు జర్నలిస్టులను చాణక్యపురి పోలీస్ స్టేషన్‌కు తీసుకెళ్లినట్లు సమాచారం. వారి ప్రెస్ కార్డులు, ప్రభుత్వ పత్రాలను ధ్రువీకరించుకోవాలని తమకు ఆదేశాలు ఉన్నాయని పోలీసులు చెప్పినట్లు పేర్కొన్నారు.

ఢిల్లీ : పాత్రికేయులు మరియు మీడియా ప్రతినిధులు తమ ప్రెస్ కార్డులను చూపిస్తున్నా.. పోలీసులు వారిని నిర్బంధిస్తూనే ఉన్నారని వారు ఆగ్రహం వ్యక్తం చేశారు .

అంగుళం కూడా వెనక్కి పోము...

ఢిల్లీ : భారత ప్రజాస్వామ్యాన్ని హతమార్చిన ప్రధాన ఎన్నికల కమిషనర్ జ్ఞానేష్ కుమార్‌కు వ్యతిరేకంగా తాను చేస్తున్న నిరసన నుంచి అంగుళం కూడా వెనక్కి తగ్గబోనని ఎస్ఎఫ్ఐ అఖిల భారత అధ్యక్షుడు ఆదర్శ్ ఎం సాజి అన్నారు. తనను అరెస్టు చేసి జైలుకు పంపినా నిరసన కొనసాగుతుందని పేర్కొన్నారు. దేశవ్యాప్తంగా జంతర్ మంతర్లు హోరెత్తుతాయని, ఈరోజు వేల సంఖ్యలో ఉంటే, రేపు పదివేల సంఖ్యలో వీధుల్లోకి వస్తారని ఆదర్శ్ అన్నారు.

ఢిల్లీ: ''ఢిల్లీ పోలీసులు కనీస మర్యాద లేకుండా ప్రవర్తిస్తున్నారు. మమ్మల్ని దాదాపు గంటసేపు ఢిల్లీ అంతా తిప్పిన తర్వాత, ఇప్పుడు ఛత్రసాల్ స్టేడియంకు తీసుకువచ్చారు.'' అంటూ ఢిల్లీ పోలీసుల తీరుపై సిపిఎం ఎంపీ జాన్ బ్రిట్టాస్ ఆగ్రహం వ్యక్తం చేశారు.

జంతర్ మంతర్ వద్ద నిరసన సందర్భంగా కేరళ మాజీ ముఖ్యమంత్రి, సిపిఎం నేత పినరాయి విజయన్, కె. ఎన్. బాలగోపాల్ మరియు జాన్ బ్రిట్టాస్ లను అందులోకి తీసుకున్న పోలీసులు .

చండీగఢ్‌లో మనీష్ సిసోడియా నిరసన

చండీగఢ్‌: సీఈసీ జ్ఞానేష్ కుమార్ విషయమై చండీగఢ్‌లోని ప్రధాన ఎన్నికల అధికారి ఎదుట నిరసన తెలుపుతున్న మనీష్ సిసోడియా, పంజాబ్ ఆప్ కార్యకర్తలు, నాయకులను పోలీసులు అదుపులోకి తీసుకున్నారు.

ఢిల్లీ : ఢిల్లీ పోలీసులు శాంతియుతంగా నిరసన తెలుపుతున్న వారిపైకి దూసుకెళ్లి, క్రూరమైన దాడికి పాల్పడ్డారు. ఈ చర్య రాజ్యాంగం హామీ ఇచ్చిన పౌరుడి ప్రజాస్వామ్య హక్కులన్నింటినీ స్పష్టంగా ఉల్లంఘించడమే. రాష్ట్ర పోలీసు బలగాల ఈ హేయమైన చర్యను ప్రతిఒక్కరూ ఖండించాలని ఎస్ఎఫ్ఐ కోరింది.

ఢిల్లీలో సీపీఐ(ఎం) నేతల అరెస్టు

ఎం.ఏ. బేబీ సహా పలువురు నాయకులు అదుపులోకి

న్యూఢిల్లీ: ఎన్నికల కమిషనర్ జ్ఞానేష్ కుమార్ రాజీనామాను డిమాండ్ చేస్తూ జంతర్ మంతర్ వరకు చేపట్టనున్న పాదయాత్రకు ముందు సీపీఐ(ఎం) అగ్రనేతలను ఢిల్లీ పోలీసులు అదుపులోకి తీసుకున్నారు. పార్టీ ప్రధాన కార్యదర్శి ఎం.ఏ. బేబీతో పాటు పలువురు సీనియర్ నాయకులను శనివారం పోలీసులు అదుపులోకి తీసుకున్నారు. అదుపులోకి తీసుకున్న వారిలో సీపీఐ(ఎం) సీనియర్ నాయకులు బృందా కరత్, ఎం.వి. గోవిందన్, పి.కె. శ్రీమతి, పి. రాజీవ్ ఉన్నారు. ఎన్నికల కమిషనర్ రాజీనామా చేయాలని డిమాండ్ చేస్తూ జంతర్ మంతర్ వరకు పాదయాత్ర చేపట్టేందుకు నాయకులు సిద్ధమవుతున్న సమయంలో ఈ పరిణామం చోటుచేసుకుంది. ఈ నిరసన నేపథ్యంలో ఢిల్లీలో పోలీసులు భారీ భద్రతా ఏర్పాట్లు చేశారు. నిరసన ప్రదర్శనను దృష్టిలో ఉంచుకుని పలు ప్రాంతాల్లో క్రూరమైన అణచివేతకు పాల్పడ్డారు. ప్రజాస్వామ్య హక్కులు, ఎన్నికల ప్రక్రియలో పారదర్శకతకు సంబంధించిన అంశాలపై సీపీఐ(ఎం) ఈ ఆందోళనకు పిలుపునిచ్చింది.

సిపిఎం పొలిట్ బ్యూరో సభ్యులు, సీనియర్ నేతలను అదుపులో తీసుకున్న పోలీసులు

విజయవాడలో సిపిఎం నేత వి శ్రీనివాసరావును అదుపులో తీసుకుంటున్న పోలీసులు

ఢిల్లీ : సిపిఐ(ఎం) కార్యకర్తలపై పోలీసులు క్రూరమైన అణచివేతకు పాల్పడ్డారు,

సీజేపీ ఫౌండర్ అభిజీత్ దీప్కే అరెస్ట్

ఢిల్లీ : ఢిల్లీలో విమానంలోనే సీజేపీ నేతలు అభిజీత్ దీప్కే, సౌరవ్ దాస్, రాంకా, ధ్రువ్ రాఠీలను పోలీసులు అరెస్ట్‌ చేశారు. విమానం ల్యాండ్ కాగానే వారిని మహిళా పోలీసులు అదుపులోకి తీసుకున్నారు. స్వేచ్ఛగా సంచరించే హక్కుకు భంగం కలిగించడమేనని పేర్కొంటూ, ముగ్గురు నేతలను తక్షణమే, ఎలాంటి షరతులు లేకుండా విడుదల చేయాలని సీజేపీ డిమాండ్ చేసింది.

ఢిల్లీ : స్పెషల్ ఇంటెన్సివ్ రివిజన్ (ఎస్ఐఆర్) ప్రక్రియలో జరిగిన అవకతవకల ఆరోపణలపై ప్రధాన ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ న్యాయవాదులు సుప్రీంకోర్టు నుంచి జంతర్ మంతర్ వరకు పాదయాత్ర చేశారు. యువజన సంఘాలు చేపడుతున్న భారీ సమీకరణలో ఈ పాదయాత్ర ఒక భాగం.

ఢిల్లీలో భద్రతా ఆంక్షలపై జాన్ బ్రిట్టాస్ ఆగ్రహం
- ‘ఢిల్లీని ముట్టడి చేసినట్లుంది’

న్యూఢిల్లీ: జంతర్ మంతర్ వద్ద ప్రదర్శన నేపథ్యంలో ఢిల్లీలో భారీగా భద్రతా ఏర్పాట్లు చేయడంపై సిపిఎం ఎంపీ జాన్ బ్రిట్టాస్ తీవ్ర అభ్యంతరం వ్యక్తం చేశారు. నగరంలో పోలీసుల ఆంక్షలు, భద్రతా సిబ్బంది ఆంక్షల కారణంగా స్వేచ్ఛగా తిరగలేని పరిస్థితి నెలకొందని విమర్శించారు. “ఇది దిగ్బంధనం కాదు.. నగరంపై ముట్టడి చేసినట్లుంది. నగరం మొత్తాన్ని అమిత్ షా తన ఆధీనంలోకి తీసుకున్నారు. నా లాంటి ఎంపీ కూడా ఢిల్లీ వీధుల్లో స్వేచ్ఛగా తిరగలేకపోతున్నారు. కనీసం ఆరు చోట్ల నన్ను అడ్డుకున్నారు. నా గుర్తింపు కార్డులు చూపించినప్పటికీ ఈ పరిస్థితి ఎదురైంది. ఇదేనా ప్రజాస్వామ్యం? అసలు ఏం జరుగుతోంది?” అని జాన్ బ్రిట్టాస్ ప్రశ్నించారు. యుద్ధాన్ని ఎదుర్కొంటున్న దేశంలో కూడా ఇలాంటి పరిస్థితులు ఉంటాయని తాను భావించలేదని ఆయన వ్యాఖ్యానించారు. నిరసనలను అడ్డుకునేందుకు ఇలాంటి నిర్బంధ చర్యలకు పాల్పడటం ప్రజాస్వామ్య హక్కులను ప్రశ్నార్థకం చేస్తోందని విమర్శించారు. ప్రభుత్వం ఇదే తరహా అణచివేత చర్యలను కొనసాగిస్తే, ప్రస్తుత ఆందోళన మరింత తీవ్రరూపం దాల్చి ప్రభుత్వాన్ని చరిత్ర చెత్తబుట్టలోకి నెట్టే ఉద్యమంగా మారుతుందని హెచ్చరించారు.

ఢిల్లీ: జంతర్ మంతర్ వద్ద నిరసనకు ముందు ధౌలా కువాన్‌లో పలువురు కంటెంట్ క్రియేటర్లతో సహా నిరసనకారులను భద్రతా దళాలు అదుపులోకి తీసుకున్నాయి.

సంసద్ మార్గ్ ప్రాంతంలో కొందరు నిరసనకారులను ఢిల్లీ పోలీసులు అదుపులోకి తీసుకున్నారు

ఢిల్లీ: ఈరోజు కాక్రోచ్ జనతా పార్టీ (CJP), విద్యార్థి , యువజన సంఘాల నిరసన ప్రదర్శన నేపథ్యంలో, హోటల్ లే మెరిడియన్ సమీపంలోని రౌండ్‌అబౌట్ వద్ద భారీ భద్రతను మోహరించారు. ఢిల్లీ పోలీసు సిబ్బందితో పాటు, ఆర్ఏఎఫ్ , ఢిల్లీ పోలీసుల పింక్ ఫోర్స్ మరియు సిఆర్పిఎఫ్ బలగాలు కూడా మోహరించారు.

జంతర్ మంతర్ వద్ద సీజేపీ నిరసన ప్రదర్శన నేపథ్యంలో పోలీసులు ఢిల్లీలోకి ప్రవేశించే వాహనాలను ముమ్మరంగా తనిఖీ చేస్తున్నారు. లోనీ గోల్ చక్కర్ మరియు అప్సరా సరిహద్దు వద్ద ఉత్తరప్రదేశ్ నుంచి ఢిల్లీలోకి వచ్చే వాహనాలను తనిఖీ చేస్తున్న పోలీసులు.

నిరసన కోసం జంతర్ మంతర్ వద్ద గుమిగూడడం ప్రారంభించిన కొంతమంది నిరసనకారులను ఢిల్లీ పోలీసులు అదుపులోకి తీసుకున్నారు.

ఢిల్లీ: నేటి నిరసన ప్రదర్శన నేపథ్యంలో జంతర్ మంతర్, పార్లమెంట్ స్ట్రీట్ ప్రాంతాల్లో భారీ భద్రతను మోహరించారు, బారికేడ్లను ఏర్పాటు చేశారు.

ఢిల్లీ : ఓట్ల దొంగ ఎన్నికల ప్రధాన కమిషనర్ జ్ఞానేష్ కుమార్ వెంటనే రాజీనామా చేయాలని, అప్రజాస్వామికంగా తొలగించబడిన 13 కోట్ల మంది ఓటర్లని తిరిగి చేర్పించాలని, ఓటు హక్కు కాపాడాలని డిమాండ్ చేస్తూ చేపట్టిన ఢిల్లీలో ఆందోళనను అడ్డుకొనే ప్రయత్నాలను కేంద్ర ప్రభుత్వం కొనసాగిస్తుంది. ఈ క్రమంలో హెచ్‌కేఎస్ సుర్జీత్ భవన్‌లోని ఎస్‌ఎఫ్‌ఐ కేంద్ర కమిటీ కార్యాలయంలో విద్యార్థులను భయపెట్టేందుకు ఢిల్లీ పోలీసులు అర్ధరాత్రి ప్రయత్నించారు. ఈ ప్రయత్నాన్ని సీపీఐ(ఎం) నాయకులు వెంటనే తిప్పికొట్టారు.

ఢిల్లీలో రైల్వే స్టేషన్ వద్ద బీఎస్‌ఎఫ్, పోలీసులు

న్యూఢిల్లీ: ఢిల్లీలోని హజ్రత్ నిజాముద్దీన్ రైల్వే స్టేషన్ వద్ద భద్రతను కట్టుదిట్టం చేసినట్లు నివేదికలు వెల్లడించాయి. తెల్లవారుజామున రైళ్ల నుంచి స్టేషన్‌కు చేరుకుని బయటకు వస్తున్న ప్రయాణికులపై నిఘా ఉంచేందుకు సాయుధ బీఎస్‌ఎఫ్ సిబ్బంది, ఢిల్లీ పోలీసు సిబ్బంది కాపలా కాస్తున్నట్లు సమాచారం.