విప్లవ జ్యోతి

అల్లూరి ప్రజా పితూరి

అల్లూరి జనులకు దారి

తెల్లవాడిపై ఎత్తిన జెండా

అల్లూరి అగ్ని ప్రచండా

​అందుకో మా నివాళి

విప్లవ జ్యోతి అల్లూరి

​భారతాన్ని బ్రిటీషోడు ఏలినాడు వందల ఏళ్లు

దొరల పాలన ప్రజలకు బందీఖానా సంకెళ్లు

తూరుపుకనుమలో ఉదయించాడు

తిరుగుబాటు పోరాట నినాదం

స్వరాజ్యం స్థాపనకు ఎగిసిన ఓ నిప్పు కణం

​అందుకో మా నివాళి

విప్లవ జ్యోతి అల్లూరి

​తల్లి అడవిపై తెల్ల దొరల ఆగడాలను చూసి

ఆదివాసుల జీవితాలు ఛిద్రమైన బ్రతుకులు చూసి చైతన్యం రంగరించి ఆదివాసుల ఒక్కటి చేసి

విల్లు ఎక్కు పెట్టి నాడు మన్య పితూరి నడినాడు

​అందుకో మా నివాళి

విప్లవ జ్యోతి అల్లూరి

​ఆదివాసుల జీవనం అడవిపై హక్కు

అటవీ ఫలసాయాలు ఆదివాసీల సొత్తు

రామరాజు త్యాగ ఫలం

మరిచి పోదు నేటి తరం

అడవి తల్లి రక్షణకై హక్కుల అమలుకై

అల్లూరి వారసులై సాగిస్తాం పోరాటం

​అందుకో మా నివాళి

విప్లవ జ్యోతి అల్లూరి.

​- పొద్దు బాలదేవ్

ఆదివాసీ గిరిజన సంఘం రాష్ట్ర సహాయ కార్యదర్శి.