హర్మన్‌ప్రీత్ కౌర్ కెప్టెన్సీకి గుడ్‌బై..

భారత మహిళల క్రికెట్‌ జట్టుకు సుదీర్ఘంగా కెప్టెన్‌గా వ్యవహరిస్తోన్న హర్మన్‌ప్రీత్‌ కౌర్‌ మంగళవారం సంచలన ప్రకటన చేశారు. అన్ని ఫార్మాట్లలో నాయకత్వ బాధ్యతల నుంచి వైదొలుగుతున్నట్లు ప్రకటించారు. లీడర్‌గా తన కర్తవ్యం పూర్తయినట్లు పేర్కొన్నారు. ఈ మేరకు ఇన్‌స్టాలో సుదీర్ఘ పోస్ట్‌ చేశారు. అయితే, క్రీడాకారిణిగా మరింతకాలం కొనసాగేందుకు సిద్ధమేనని.. కెప్టెన్సీ ముగిసినా భారత క్రికెట్‌పై తన ప్రేమ కొనసాగుతుందని ఆమె తెలిపారు.

హర్మన్‌ప్రీత్ కౌర్ సారథ్య బాధ్యతల నుంచి తప్పుకోవడంతో, తదుపరి భారత మహిళా క్రికెట్ జట్టు పూర్తి స్థాయి కెప్టెన్‌గా స్టార్ బ్యాటర్, ప్రస్తుత వైస్ కెప్టెన్ స్మృతి మంధాన బాధ్యతలు చేపట్టే అవకాశం ఉంది.

హర్మన్‌ప్రీత్ కౌర్ కెరీర్‌లోని ముఖ్యమైన రికార్డులు ఇవి:

• అంతర్జాతీయ క్రికెట్‌లో అత్యధిక మ్యాచ్‌లు ఆడిన మహిళా క్రికెటర్ — 2026 ఫిబ్రవరిలో 356వ అంతర్జాతీయ మ్యాచ్‌తో సుజీ బేట్స్‌ను అధిగమించారు.

• భారత్‌కు తొలి మహిళల వన్డే ప్రపంచకప్‌ టైటిల్ అందించిన కెప్టెన్ — 2025లో భారత్‌ తొలిసారి మహిళల వన్డే ప్రపంచకప్‌ గెలిచినప్పుడు కెప్టెన్‌గా ఉన్నారు.

• 2017 ప్రపంచకప్‌ సెమీఫైనల్లో 171 పరుగులు* — ఆస్ట్రేలియాపై 115 బంతుల్లో 171 నాటౌట్‌తో అద్భుత ఇన్నింగ్స్‌ ఆడారు.

• 2023 ఆసియా క్రీడల్లో స్వర్ణ పతకం సాధించిన భారత జట్టుకు కెప్టెన్‌గా వ్యవహరించారు.

• 2022 కామన్వెల్త్‌ గేమ్స్‌లో రజత పతకం సాధించిన భారత జట్టుకు నాయకత్వం వహించారు.

• 2026లో 200 T20I మ్యాచ్‌లు ఆడిన తొలి క్రికెటర్గా చరిత్ర సృష్టించారు.

• 150 T20I మ్యాచ్‌లకు కెప్టెన్‌గా వ్యవహరించిన తొలి క్రికెటర్గా 2026 సెప్టెంబరులో రికార్డు నెలకొల్పారు.

• WPLలో రెండు టైటిళ్లు గెలిచిన తొలి కెప్టెన్గా 2025లో రికార్డు సాధించారు.

• BCCI గణాంకాల ప్రకారం 2026లో ఆమెకు 8,000కు పైగా అంతర్జాతీయ పరుగులు ఉన్నాయి.

• అర్జున అవార్డు (2017), పద్మశ్రీ (2026) అందుకున్నారు.

https://www.instagram.com/p/DeI_xMTSpXV/?utm_source=ig_web_button_share_sheet