ఆసియా క్రీడలు–2026 పురుషుల క్రికెట్‌ స్వర్ణ పతక పోరులో భారత్‌, పాకిస్థాన్‌ నేడు తలపడనున్నాయి. ఈ మ్యాచ్‌ భారత కాలమానం ప్రకారం.. శనివారం ఉదయం 10 గంటలకు ప్రారంభం కానుంది. క్వార్టర్‌ ఫైనల్స్‌ వర్షం కారణంగా రద్దవడంతో మెరుగైన సీడింగ్‌ ఆధారంగా ఇరు జట్లు సెమీఫైనల్‌కు చేరాయి. సెమీస్‌లో భారత్‌ శ్రీలంకను 124 పరుగులతో చిత్తు చేయగా, పాకిస్థాన్‌ బంగ్లాదేశ్‌పై ఆరు వికెట్ల తేడాతో గెలిచింది. సెమీఫైనల్‌ మ్యాచ్‌ల్లో స్పిన్నర్లే కీలక పాత్ర పోషించడంతో ఫైనల్లోనూ స్పిన్‌ బౌలింగ్‌ ప్రభావం చూపే అవకాశం ఉంది. అక్షర్‌ పటేల్‌, వాషింగ్టన్‌ సుందర్‌, రవి బిష్ణోయ్‌లతో భారత స్పిన్‌ దళం బలంగా కనిపిస్తోంది. అదే సమయంలో జస్ప్రీత్‌ బుమ్రా రూపంలో భారత్‌కు ప్రపంచస్థాయి పేసర్‌ ఉండటం అదనపు బలం. బ్యాటింగ్‌లో అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్‌, తిలక్‌ వర్మ, శ్రేయస్‌ అయ్యర్‌లతో భారత్‌ బలమైన లైనప్‌ను కలిగి ఉంది. పాకిస్థాన్‌ తరఫున సుఫియాన్‌ ముకీమ్‌, సైమ్‌ అయూబ్‌ స్పిన్‌లో కీలకంగా మారే అవకాశముంది.
సాహిబ్జాదా ఫర్హాన్‌, ఉస్మాన్‌ ఖాన్‌, అబ్దుల్‌ సమద్‌, హసన్‌ నవాజ్‌లపై పాక్‌ బ్యాటింగ్‌ ప్రధానంగా ఆధారపడనుంది. భారత్‌–పాకిస్థాన్‌ మధ్య భారీ అంచనాలున్న ఈ పోరులో పిచ్‌, స్పిన్‌, ఒత్తిడిని తట్టుకునే సామర్థ్యం కీలకంగా మారనున్నాయి. గత ఫామ్‌, జట్టు కూర్పు, బౌలింగ్‌ వైవిధ్యాన్ని పరిగణనలోకి తీసుకుంటే భారత్‌–పాక్‌ మధ్య హోరాహోరీ పోరు తప్పదని విశ్లేషణలు చెబుతున్నాయి.
Asian Games : భారత్‌–పాక్‌ గోల్డ్‌ ఫైట్‌ నేడే!
19 గంటల క్రితం
వెబ్ డెస్క్
ప్రచురించబడింది అక్టో 03, 2026, 08:13 పూర్వాహ్నం | 1 నిమిషాల చదవడం
ట్యాగ్‌లు
కామెంట్‌లు (0)