దక్ష‍ిణాఫ్రికాతో మూడో టెస్ట్‌
కేప్‌టౌన్‌: దక్ష‍ిణాఫ్రికాతో జరుగుతున్న మూడో టెస్ట్‌లో పర్యాటక ఆస్ట్రేలియా జట్టు పట్టు బిగిస్తోంది. తొలి ఇన్నింగ్స్‌లో దక్ష‍ిణాఫ్రికాను 329 పరుగులకే పరిమితం చేసిన ఆసీస్‌.. రెండోరోజు ఆట ముగిసేసరికి 4 వికెట్ల నష్టానికి 330 పరుగులు చేసింది. ఓపెనర్‌ రెన్‌షా(74), గ్రీన్‌(65)కి తోడు ఇంగ్లిస్‌(85), క్యారీ(51) అజేయంగా క్రీజ్‌లో నిలిచి అర్ధసెంచరీలతో రాణించారు. దీంతో ఆసీస్‌ జట్టుకు తొలి ఇన్నింగ్స్‌లో ఒకే ఒక్క పరుగు ఆధిక్యత లభించగా.. దక్ష‍ిణాఫ్రికా బౌలర్లు యాన్సెన్‌, హార్మర్‌కు రెండేసి వికెట్లు దక్కాయి. మూడు టెస్ట్‌ మ్యాచ్‌ల సిరీస్‌లో ఇరుజట్లు ఒక్కో మ్యాచ్‌లో గెలిచి 1-1తో సమంగా నిలువగా... ఈ టెస్ట్‌లో గెలిచిన జట్టుకు ట్రోఫీ దక్కనుంది.
కామెంట్‌లు (0)