జర్మనీలో జరిగిన హైలో ఓపెన్‌-2026 బ్యాడ్మింటన్‌ టోర్నీలో భారత స్టార్‌ షట్లర్‌ పీవీ సింధు మరోసారి తన సత్తా చాటింది. మహిళల సింగిల్స్‌ టైటిల్‌ను కైవసం చేసుకుని విజేతగా నిలిచింది. ఆదివారం జరిగిన ఫైనల్లో డెన్మార్క్‌ క్రీడాకారిణి లైన్‌ కేజర్‌ఫెల్డ్ట్‌పై సింధు పూర్తి ఆధిపత్యం ప్రదర్శించింది. వరుస గేముల్లో 21-12, 21-14 స్కోరుతో ప్రత్యర్థిని చిత్తు చేసి టైటిల్‌ను సొంతం చేసుకుంది.
ఈ విజయంతో సింధు ఖాతాలో 2026లో రెండో టైటిల్‌ చేరింది. అంతకుముందు జులైలో జరిగిన జపాన్‌ ఓపెన్‌లోనూ ఆమె విజేతగా నిలిచింది. వరుస విజయాలతో సింధు తన ఫామ్‌ను కొనసాగిస్తూ అంతర్జాతీయ బ్యాడ్మింటన్‌లో మరోసారి భారత కీర్తిని చాటింది.
కామెంట్‌లు (0)