అల్లరి నరేశ్‌ ‘రంభ ఊర్వశి మేనక’

అల్లరి నరేశ్ నటిస్తున్న 65వ చిత్రం ‘రంభ ఊర్వశి మేనక’. చంద్ర మోహన్ చింతాడ దర్శకత్వం వహిస్తున్నారు. అన్నపూర్ణ స్టూడియోస్, హాస్య మూవీస్ బ్యానర్లపై రాజేష్ దండా, నిమ్మకాయల ప్రసాద్ సంయుక్తంగా నిర్మిస్తున్నారు. ఫాంటసీ, వినోదం కలగలిసిన ఈ చిత్రానికి ‘కామెడీ గోస్ కాస్మిక్’ అనే ట్యాగ్‌లైన్‌ను ఖరారు చేశారు. మంగళవారం అల్లరి నరేశ్ పుట్టినరోజు సందర్భంగా చిత్రబృందం టైటిల్‌తో పాటు ఫస్ట్‌లుక్‌ను విడుదల చేసింది. ఈ చిత్రంలో వెన్నెల కిషోర్, నరేష్ వి.కె., శ్రీనివాస్ రెడ్డి, మురళీధర్ గౌడ్ కీలక పాత్రలు పోషిస్తున్నారు. సెప్టెంబర్ 4న ప్రపంచవ్యాప్తంగా ఈ సినిమా విడుదల కానుంది.