చంద్రబాబుతో పవన్ భేటీ

ప్రజాశక్తి-అమరావతి బ్యూరో : ముఖ్యమంత్రి చంద్రబాబు నాయుడుతో ఉపముఖ్యమంత్రి పవన్‌ ‌కళ్యాణ్‌ ‌సమావేశమ య్యారు. ఉండవల్లిలోని చంద్రబాబు నివాసంలో మంగళవారం ఈ సమావేశం జరిగింది. చంద్రబాబు ఇంటికి చేరుకున్న పవన్‌‌కు టిడిపి వర్కింగ్‌ ‌ప్రెసిడెంట్‌, విద్యాశాఖ మంత్రి నారా లోకేష్‌ ‌స్వాగతం పలికారు. అనంతరం చంద్రబాబు, పవన్‌ ‌త్వరలో జరగనున్న స్థానిక సంస్థల ఎన్నికలపై చర్చించినట్లు సమాచారం. స్థానిక సంస్థల్లో ఏ పార్టీ ఎక్కడ పోటీ చేయాలి చేయాలనే అంశంపై ఇరువురు నేతలు మాట్లాడుకున్నట్లు తెలిసింది. కూటమి నుంచే ఒక్కరే పోటీ చేసేలా చూడాలని, రెబల్‌ అభ్యర్ధులు లేకుండా ఉండేలా పార్టీ నాయకులు, కార్యకర్తలతో చర్చించాలని అనట్లు సమాచారం. ఏ పార్టీకి ఎక్కడ బలం ఉందో అక్కడ అదే పార్టీకి సీటు కేటాయించాలనే అభిప్రాయానికి వచ్చినట్లు సమాచారం. అదేవిధంగా ఏ పార్టీకి ఎంత శాతం సీట్లు కేటాయించాలి, జెడ్‌‌పి చైర్మన్లు, నగర మేయర్‌ ‌స్థానాలు కేటాయింపు ఏ పార్టీకి కేటాయించాలనే అంశంపై కూడా చర్చించినట్లు తెలిసింది. కూటమి పార్టీల మధ్య సమన్వయం కోసం నియమించిన కమిటీతో చర్చించి తుది నిర్ణయం తీసుకోవాలని భావించినట్లు సమాచారం. సుమారు రెండు గంటల పాటు జరిగిన ఈ భేటీ అనంతరం చంద్రబాబు నాయుడు టిడిపి రాష్ట్ర అధ్యక్షులు పల్లా శ్రీనివాసరావు, మంత్రి నిమ్మల రామానాయుడు తో కూడా చర్చించినట్లు తెలిసింది. సమన్వయ కమిటీ సమావేశాల పురోగతిని వారిద్దరి నుంచి అడిగి తెలుసుకునట్లు సమాచారం.