మంత్రి లోకేష్‌
ప్రజాశక్తి – అమరావతి బ్యూరో : రాష్ట్రంలో రక్షణ రంగ పరిశ్రమల అభివృద్ధికి భారత్‌ ఎలక్ట్రానిక్స్‌ లిమిటెడ్‌ (బిఇఎల్‌) రూ.2,500 కోట్ల పెట్టుబడి పెట్టనున్నట్లు ప్రభుత్వం ప్రకటించింది. శ్రీసత్యసాయి జిల్లాలో 914 ఎకరాల విస్తీర్ణంలో ప్రపంచస్థాయి రక్షణ రంగ పారిశ్రామిక వ్యవస్థను ఏర్పాటు చేయనున్నట్లు తెలిపింది. ఈ మేరకు విద్య, ఐటి, ఎలక్ర్టానిక్స్‌ శాఖల మంత్రి నారా లోకేష్‌ ఆదివారం ఎక్స్‌‌లో పొందుపరిచారు. ఈ ప్రాజెక్టు ద్వారా సుమారు 800 మందికి ఉద్యోగావకాశాలు లభించనున్నాయని పేర్కొన్నారు. కేంద్ర ప్రభుత్వ యాజమాన్యం లోని నవరత్న ప్రభుత్వ రంగ సంస్థ అయిన బిఇఎల్‌ ఈ ప్రాజెక్టు ద్వారా అధునాతన రక్షణ పరికరాల తయారీకి సంబంధించిన కార్యకలా పాలను చేపట్టనుందని తెలిపారు. ఈ ప్రాజెక్టు తో రాయలసీమ ప్రాంతంలో రక్షణ రంగానికి సంబంధించిన పారిశ్రామిక కార్యకలాపాలు విస్తరించడంతోపాటు స్థానిక యువతకు ఉద్యోగావకాశాలు పెరుగుతాయని ఆశాభావం వ్యక్తం చేశారు.
కామెంట్‌లు (0)