ఓట్ల లెక్కింపుపై 'మురసు' ప్రభావం

- చీరాలలో కౌంటింగ్ ప్రారంభం ఆలస్యం

ప్రజాశక్తి - చీరాల: మురసు తుఫాను ప్రభావం, పరిస్థితుల దృష్ట్యా ప్రకాశం జిల్లా కలెక్టర్ సూచనల మేరకు ది. 03.11.2026 న ఉదయం 8 గంటలకు, చీరాల ఇంజనీరింగ్ కళాశాలలో ప్రారంభం చేయాల్సిన, చీరాల మున్సిపాలిటీ ఎన్నికల కౌంటింగ్ ను ఆలస్యంగా ప్రారంభించనున్నట్లు చీరాల రెవెన్యూ డివిజనల్ అధికారి ప్రకటించారు. వాతావరణ పరిస్థితులను పరిగణలోకి తీసుకొని, ఈ రోజు ఉదయం 11 గం.ల తరువాత ప్రారంభించనున్నట్లు తెలియజేశారు. కౌంటింగ్ నకు సంబంధించిన తదుపరి సమాచారం ఉదయం 9 గంటలకు మరలా తెలియపరుస్తామని పేర్కొన్నారు.