కొడైకెనాల్‌లో భారీ వర్షాలు

కొడైకెనాల్ : కొడైకెనాల్ ప్రాంతంలో కురుస్తున్న భారీ వర్షాల కారణంగా అక్కడి జనజీవనం స్తంభించింది. భారీ వర్షాలకు కొడైకెనాల్‌కి వెళ్లే కొండ మార్గాల్లో (ఘాట్ రోడ్లు) వరద నీరు చేరింది. కొన్ని ప్రాంతాల్లో కొండచరియలు విరిగిపడి రహదారులపైకి రావడంతో వాహనాల రాకపోకలకు తీవ్ర అంతరాయం ఏర్పడింది. కొడైకెనాల్‌లోని సిల్వర్ ఫాల్స్ వద్ద ఆకస్మిక వరదలు సంభవించడంతో కొందరు పర్యాటకులు ఇబ్బందులు పడ్డారు. రవాణా వ్యవస్థ దెబ్బతినడంతో అధికారులు పర్యాటకులను అప్రమత్తం చేశారు. ఈశాన్య రుతుపవనాలు బలపడుతున్నందున, పర్యాటకులు కొడైకెనాల్ పర్యటనను వాయిదా వేసుకోవాలని అధికారులు, వాతావరణ శాఖ అధికారులు సూచించారు.