2022 తర్వాత అత్యధిక ఉద్వాసనలు
న్యూఢిల్లీ : ప్రముఖ ఒటిటి సంస్థ నెట్‌ఫ్లిక్స్‌ భారీగా ఉద్యోగాల కోతకు సిద్దమయ్యింది. సంస్థలోని మొత్తం 16,000 మంది పూర్తిస్థాయి ఉద్యోగుల్లో 5 శాతం మందిని తొలగించాలని యోచిస్తున్నట్లు సమాచారం. ఇదే జరిగితే సుమారు 800 మంది ఉద్యోగులు రోడ్డున పడనున్నారు. ఈ ఉద్వాసనలపై వచ్చే వారం అధికారిక ప్రకటన వెలువడే అవకాశం ఉందని రిపోర్టులు వస్తోన్నాయి. కాగా.. ఈ వార్తలపై స్పందించేందుకు నెట్‌ఫ్లిక్స్‌ నిరాకరించింది. 2022లోనూ వృద్ధి మందగించడం, చందాదారులు తగ్గడంతో వందలాది మందిని తొలగించిన సంస్థ.. ఇప్పుడు మరోసారి భారీ కోతకు సిద్ధమవుతోంది. స్ట్రీమింగ్‌ మార్కెట్‌లో పెరుగుతున్న పోటీ నెట్‌ఫ్లిక్స్‌పై ఒత్తిడి పెంచుతోంది.
కామెంట్‌లు (0)