‘అయోధ్య’ కేసులో ముగ్గురు నిందితుల బెయిల్‌ పిటీషన్లు తిరస్కరణ

లక్నో : అయోధ్య రామ మందిరం విరాళాల చోరీ కేసులో ముగ్గురు నిందితులు దాఖలు చేసిన బెయిల్‌ ‌పిటీషన్లును ప్రత్యేక కోర్టు సోమవారం తిరస్కరించింది. నిందితులు అవినాశ్‌ ‌శుక్లా, మనీష్‌ ‌కుమార్‌ ‌యాదవ్‌, రామ్‌ ‌శంకర్‌ ‌బెయిల్‌ ‌పిటీష్లను అయోధ్యలోని అవినీతి వ్యతిరేక కోర్టు ప్రత్యేక జడ్జీ రజత్‌ ‌వర్మ తిరస్కరించారు. ఈ విషయాన్ని మంగళవారం నాడు నిందితుల తరుపు న్యాయవాది కుల్‌ ‌శేఖర్‌ ‌సింగ్‌ ‌మీడియాకు తెలిపారు. ఈ ముగ్గురితో పాటు ఈ కేసులో మొత్తం ఎనిమిది మంది నిందితులు ప్రస్తుతం జ్యూడిషియల్‌‌ కస్టడీలో ఉన్న సంగతి తెలిసిందే. మరో ముగ్గురు నిందితుల బెయిల్ దరఖాస్తులను మంగళవారం, మిగిలిన ఇద్దరు నిందితుల బెయిల్‌ ‌దరఖాస్తులను బుధవారం నాడు కోర్టు విచారించనున్నట్లు తెలిపారు.​