సిటిజన్స్ స్పెషాలిటీ హాస్పిటల్ ‘వరల్డ్ హార్ట్ డే వాకథాన్’

హైదరాబాద్‌: వరల్డ్ హార్ట్ డే సందర్భంగా నల్లగండ్ల సిటిజన్స్ స్పెషాలిటీ హాస్పిటల్ ఆధ్వర్యంలో 3.5 కిలోమీటర్ల వాకథాన్ విజయవంతమైంది. ఆసుపత్రి నుంచి డైమండ్ హైట్స్ సర్కిల్ వరకు సాగిన ఈ కార్యక్రమంలో వైద్యులు, సిబ్బంది, రోగులు, సీనియర్ సిటిజన్లు, యువత సహా 400 మందికి పైగా ఉత్సాహంగా పాల్గొన్నారని ఆసుపత్రి వర్గాలు తెలిపాయి. ఆసుపత్రి రీజినల్ చీఫ్ ఆపరేటింగ్ ఆఫీసర్ డాక్టర్‌ పాలచర్ల ప్రభాకర్ నాయకత్వం వహించిన ఈ కార్యక్రమంలో, సీనియర్ కార్డియాలజిస్టులు డా. రామకృష్ణ, డా. సందీప్ ఖంబంపాటి, కార్డియోథొరాసిక్ సర్జన్ డా. గిరిధర్ తదితరులు పాల్గొని గుండె ఆరోగ్యానికి సంబంధించి నివారణాత్మక చర్యలు, ముందస్తు పరీక్షలు, చురుకైన జీవనశైలి ప్రాముఖ్యతను వివరించారు.