వరి రైతులకు ధనుక ‘పోలిన్’ ఫంగిసైడ్..

హైదరాబాద్‌ : వరి పంటలో ఆకు, నెక్ బ్లాస్ట్ తెగుళ్ల నివారణ కోసం ధనుకా అగ్రిటెక్ ‘పోలిన్’ పేరుతో కొత్త ఫంగిసైడ్‌ను విడుదల చేసింది. జపాన్‌కు చెందిన నిప్పాన్ సోడా సాంకేతిక సహకారంతో అభివృద్ధి చేసిన ఈ ఉత్పత్తిలో కినిప్రోల్ సాంకేతికతను ఉపయోగించినట్లు సంస్థ తెలిపింది. వ్యాధి లక్షణాలు కనిపించిన దశలో ఎకరానికి 100 మి.లీ. మందును 200 లీటర్ల నీటిలో కలిపి పిచికారీ చేయాలని ధనుకా అగ్రిటెక్ మేనేజింగ్ డైరెక్టర్ రాహుల్ ధనుకా తెలిపారు.