నేడు ‘పింక్‌ పవర్‌ రన్‌ 3.0’..

ప్రజాశక్తి - హైదరాబాద్‌ : మహిళల్లో రొమ్ము క్యాన్సర్‌పై అవగాహన కల్పించే ఉద్దేశంతో ఎంఈఐఎల్‌, సుధా రెడ్డి ఫౌండేషన్ల సంయుక్త ఆధ్వర్యంలో నిర్వహిస్తున్న ‘పింక్‌ పవర్‌ రన్‌’ మూడో ఎడిషన్‌కు హైదరాబాద్‌ సిద్ధమైంది. నెక్లెస్‌రోడ్డులోని హెచ్‌ఎండిఎ గ్రౌండ్స్‌ వేదికగా ఆదివారం ఉదయం 5 గంటల నుంచి ప్రారంభం కానున్న ఈ పరుగులో పాల్గొనేందుకు ఇప్పటికే 35 వేల మందికిపైగా రిజిస్ట్రేషన్‌ చేసుకున్నారని నిర్వాహకులు తెలిపారు. 3, 5, 10, 21 కిలోమీటర్లుగా నాలుగు విభాగాల్లో సాగనున్న ఈ రన్‌లో విజేతలకు మొత్తం రూ.75 లక్షల నగదు బహుమతులు అందజేయనున్నట్లు తెలిపారు. ఈ కార్యక్రమానికి మంత్రి సీతక్క, డిజిపి సీవీ ఆనంద్‌, అమెరికా కాన్సుల్‌ జనరల్‌ లారా విలియమ్స్‌తో పాటు పలువురు సినీ, క్రీడా ప్రముఖులు హాజరుకానున్నారన్నారు. ప్రముఖ సంగీత దర్శకుడు ఎస్‌. థమన్‌ ప్రత్యక్ష సంగీత ప్రదర్శన ప్రత్యేక ఆకర్షణగా నిలవనుందని తెలిపారు.