వేదాంత పవర్ విక్రయాల్లో 38 శాతం వృద్ధి

బెంగళూరు : ప్రస్తుత ఆర్థిక సంవత్సరం జూన్‌‌తో ముగిసిన తొలి త్రైమాసికంలో వేదాంత పవర్ విద్యుత్ విక్రయాలు ఏడాది ప్రాతిపదికన 38 శాతం పెరిగి 5,225 మిలియన్ యూనిట్లకు చేరుకున్నాయి. మీనాక్షి ఎనర్జీ ప్లాంట్ సామర్థ్యం 1,000 మెగావాట్లకు విస్తరించడం ఈ వృద్ధికి ప్రధాన కారణమని కంపెనీ తెలిపింది. తల్వాండీ సాబో ప్లాంట్ నుండి స్థిరమైన ఉత్పత్తి లభించినప్పటికీ, డీమెర్జర్ ప్రక్రియ కారణంగా గత త్రైమాసికంతో పోలిస్తే విక్రయాల్లో స్వల్ప తగ్గుదల కనిపించిందని వివరించింది.