Print Editionసుపరిమళాల బాల్యం

నవ్వుల పువ్వుల

పరిమళాలే బాల్యం

చిరుప్రాయపు చిన్నారులు

నిష్కల్మష జలధారలు

పిల్లల ముద్దు పలుకులే

సప్త స్వరాలాపనలు

ఆటపాటల బాల్యం

కలుషితమౌతోంది

వేయిపడగల విషనాగు

కాలకూటాన్ని నింపుతోంది

సెల్ ఫోన్ భూతంగా

మాదక ద్రవ్యాల మత్తుగా

కలికాలం, కన్నవాళ్లే

యమ భటులౌతున్నారు

గురువులు సరికొత్త

సిలబస్ కు శ్రీకారం చుట్టారు

చిన్నమెదడులో చెత్తను నింపుతున్నారు

పుస్తకం పట్టాల్సిన చేతులు

రాత్రి పగలు తేడాలేని

నీలి తెరలలో తేలుతున్నాయి

తక్షణమే శుభ్రపడే

శానిటైజర్ లు కావాలి

ఎండిన విత్తనంలోని అంకురంలా

ప్రతి మనిషి బాల్యాన్ని దాచుకోవాలి

అనురాగపు తోటను పెంచాలి

రేపటి ప్రపంచానికి

ఆరోగ్యమైన బాల్యాన్ని

అందమైన భవితను అందించాలి

బాలలంటే మన సంస్కృతికి వారసులు

​​- డా.నీరజ అమరవాది,

98491 60055.