Print Editionఅచ్చులు – పద్యాల పాట

‘అ ఆ’ అని రాసేద్దాము

అమ్మకు ఆనందము ఇచ్చేద్దాము

‘ఇ ఈ’ అని పలికేద్దాము

ఇంటికి ఈతపండ్లు కొనేద్దాము

‘ఉ ఊ’ అనేద్దాము

ఉడతను ఊయలలో ఊపేద్దాము

‘ఋ ౠ’ పలికేద్దాము

ఋషితో ౠ అని చెప్పేద్దాము

‘ఎ ఏ ఐ’ పలికేద్దాము

ఎందుకు ఏమిటి ఐదు అనేద్దాము

‘ఒ ఓ ఔ’ పలికేద్దాము

ఒక ఓటు వేసి ఔటు పేలుద్దాము

‘అం అః’ అనేద్దాము

అందముగా అంతఃపురము వెళ్లేద్దాము

- జక్కుల వరప్రసాదరావు,

చెత్నిహళ్లి, మంత్రాలయం,

కర్నూలు జిల్లా.