Print Editionఅందరి వారం ఆదివారం

ఆరు రోజుల అనంతరం

మా పిల్లల బడులకు విరామం

పుస్తకాలనూ పక్కన పెడతాం

బామ్మ చెప్పే కథలే వింటాం

ఆటపాటలకు బయటకు వెళ్తాం

మిత్రులతో కలిసి ఆడుతాం

అలిసిసొలిసి ఇంటికి వస్తాం

అమ్మ పెట్టిన బువ్వే తింటాం

నాన్నకు కబుర్లు బాగా చెబుతాం

ఆయనకూ ఆరోజు సెలవుదినం

అందుకే ఆదివారం మాకిష్టం

ఆదివారం.. అది అందరి వారం

అమ్మకు మాత్రం అదనపు భారం

ప్రతి పనిలోనూ చేద్దాం సాయం!

​– చెన్నాప్రగడ శర్మ,

94405 87567.

​

​

​