ప్రకృతి పాట

కొండల కోనల అందాలు

పచ్చని వనాల పలకరింపులు

వాగుల వంకల హొయలు లయలు

ఉరికే జలపాతాల గానాలు

​

పక్షుల కిలకిల రావాలు

కోయిల కుహు కుహు గీతాలు

రామచిలుక రాగాలు

నెమలమ్మ నాట్యాలు

​

పచ్చని చెట్ల చల్లని గాలి

పరిమళించే పూల తావి

రంగు రంగుల సీతాకోక చిలుకలు

జానపదుల పాటల సడి

​

ఉదయించే సూర్యుని కాంతులు

జాబిలమ్మ వెన్నెల ఝరులు

ఆకాశాన తారల మెరుపులు

సెలయేటి సరిగమలు

​

ఇవన్నీ ప్రకృతి బహుమానాలు

పరవశించే మన కనుల పండుగలు

పర్యావరణాన్ని కాపాడుదాము

భావితరాలకు అందిద్దాము

​

ప్రకృతిని ప్రేమిద్దాము

అందరికీ ఆనందం పంచుదాము

ప్రకృతిని పరిరక్షిద్దాం

ప్రతినతో ముందుకు సాగుదాం

​- మొర్రి గోపి, కవిటి,

శ్రీకాకుళం జిల్లా, 88978 82202.