అడవి అందం

అడవిలోన ఉండెను

ఎన్నెన్నో జంతువులు

మురిపెంగ కలిసిమెలిసి

జీవిస్తూ ఉండెను

​

చెట్ల పైన ఉండెను

ఎన్నెన్నో పిట్టలు

ముచ్చటైన గూళ్లు కట్టి

అందంగా ఉండెను

​

రామచిలకలేమో

పలుకులెన్నో పలుకును

ఆకుపచ్చ రంగులో

అందంగా ఉండెను

ఎర్రముక్కుతోని

అన్ని పండ్లు తినును

​

నెమలి పక్షి చూడాలే

ఉన్న కనులు చాలవు

పురివిప్పి ఆడుతుంటే

పుడమి పులకరించును

​

చెట్ల పైన కోయిల

కుహు మంటూ కూయును

పాటలతో పలువురిని

విందు చేయుచుండును

​

అడవిలోని అందము

ఎంతో హాయి నిచ్చును

చూసినోళ్లందరికీ

సంతోషం కలుగును

- కోమటిరెడ్డి బుచ్చిరెడ్డి,

జడ్.పి.హెచ్.ఎస్ చిన్న మాదారం,

9441561655