జాతిపిత మహాత్మా గాంధీ ఆశయాలు తరతరాలకు స్ఫూర్తిదాయకమని రాష్ట్ర హోం మంత్రి వంగలపూడి అనిత అన్నారు. నక్కపల్లి లో ఆమె నివాసం వద్ద శుక్రవారం గాంధీ జయంతి సందర్భంగా మహాత్ముని చిత్రపటానికి పూలమాలలు వేసి నివాళులర్పించారు. ఈ సందర్భంగా మంత్రి అనిత మాట్లాడుతూ సత్యం, అహింస, శాంతి మార్గాల్లో మహాత్మా గాంధీ చూపిన బాట ప్రతి ఒక్కరికీ ఆదర్శమని అన్నారు. త్యాగం, సేవ, నైతిక విలువలకు ప్రతీకగా నిలిచిన గాంధీజీ జీవితం తరతరాలకు స్ఫూర్తిదాయకమని, భారతదేశ స్వాతంత్ర్య ఉద్యమంలో మహాత్మా గాంధీ పోషించిన పాత్ర చిరస్మరణీయమని మంత్రి అనిత కొనియాడారు. ఈ కార్యక్రమంలో పలువురు నాయకులు పాల్గొన్నారు.
మండలంలో పలు గ్రామాల్లో నాయకులు గాంధీజీ జయంతి వేడుకలు నిర్వహించారు.
కామెంట్‌లు (0)