రాష్ట్రస్థాయి జూడో పోటీల్లో చాగల్లు విద్యార్థికి కాంస్యం

ప్రజాశక్తి–చాగల్లు: తిరుపతిలో ఈ నెల 16, 17, 18 తేదీల్లో నిర్వహించిన రాష్ట్రస్థాయి అండర్‌–19 జూడో పోటీల్లో చాగల్లు జడ్పీ హైస్కూల్‌ విద్యార్థి బి. చంద్రారావు కాంస్య పతకం సాధించాడు. ఈ విషయాన్ని పాఠశాల పీడీ విజయలక్ష్మి తెలిపారు. చాగల్లు నుంచి తొలిసారిగా జూడోలో రాష్ట్రస్థాయి పోటీల్లో పాల్గొని పతకం సాధించడం గర్వకారణమని గ్రామ పెద్దలు పేర్కొన్నారు. కాంస్య పతకం సాధించిన చంద్రారావును పాఠశాల హెచ్‌ఎం వాసవి, ఉపాధ్యాయ సిబ్బంది, గ్రామస్తులు అభినందించారు.