రాష్ట్ర స్థాయి జూనియర్ ఫుట్బాల్ పోటీలకు జడ్పీహెచ్ఎస్ చాగల్లు విద్యార్థినిలు

ప్రజాశక్తి-చాగల్లు (తూర్పు గోదావరి) : గత నెల రాజమండ్రిలో జరిగిన జిల్లా స్థాయి జూనియర్ ఫుట్బాల్ ఎంపికలలో జడ్పీహెచ్ఎస్ చాగల్లు విద్యార్థినిలు పాల్గొని ప్రతిభ కనబరిచి రాష్ట్రస్థాయి పోటీలకు ఎంపిక అయ్యారని పిడి. జె విజయలక్ష్మి బుధవారం తెలిపారు. ఎంపికైన వారిలో జి.బేబీ లావణ్య, ఆర్. ప్రవల్లిక. ఎం . మోహిని, ఎం . జి . సంజన శ్రీ, D. కృష్ణ శైలజ, k. సత్య దుర్గ పావని, j. జోష్ణవి, వి . వైష్ణవి,. ఎం . భవాని, జి . సింధు ఉన్నారు. వీరిని ప్రధానోపాధ్యాయురాలు ఎస్. వాసవి , ఉపాధ్యాయ సిబ్బంది, గ్రామస్తులు అభినందించారు. ఈ రాష్ట్ర స్థాయి పోటీలు జూలై 23వ తేదీ నుండి 27వ తేదీ వరకు అనంతపురంలో జరగనున్నాయని విజయలక్ష్మి తెలిపారు.