ఇసుక లారీ ఢీకొని వృద్ధుడు మృతి

ఉంగుటూరు (ఏలూరు జిల్లా) : వెళ్ళమిల్లి పంచాయతీ వీరభద్ర కర్ర చెరువు గట్టు రోడ్డున ఇసుక లారీ ఢీకొని వృద్ధుడు మృతి చెందాడు. ఉంగుటూరు మండలం ఉప్పాకపాడుకి చెందిన వెంకయ్య (70) బైక్ పై వెంకటరామన్న గూడెంకు వెళ్లారు. తిరిగి వస్తుండగా చెరువు గట్టు రోడ్డు పై ఈ ప్రమాదం జరిగింది. కేసు నమోదు చేసి దర్యాప్తు చేస్తున్నామని పోలీసులు వెల్లడించారు. మృతదేహాన్ని గూడెం ప్రభుత్వ ఆసుపత్రికి పోస్ట్ మార్టం కోసం తరలించారు.