ఆదివారం, 22 నవంబర్ 2026E-PAPER
మ్యాగజైన్స్

మంగళగిరి-తాడేపల్లి కార్పొరేషన్ ఎన్నికలు : ముగిసిన నామినేషన్ల పర్వం

6 రోజుల క్రితం

gnt.jpg
వెబ్ డెస్క్

ప్రచురించబడింది నవం 16, 2026, 03:42 అపరాహ్నం | 1 నిమిషాల చదవడం

ప్రజాశక్తి - మంగళగిరి : మంగళగిరి - తాడేపల్లి నగరపాలక సంస్థ తొలి ఎన్నికల నామినేషన్ల స్వీకరణ ప్రక్రియ సోమవారం మధ్యాహ్నం 3 గంటలకు ముగిసింది. ఆంధ్రప్రదేశ్ రాష్ట్ర ఎన్నికల సంఘం విడుదల చేసిన షెడ్యూల్ ప్రకారం మొత్తం 62 డివిజన్లు, ఎస్టీ జనరల్‌కు రిజర్వ్ అయిన మేయర్ పదవికి నవంబర్ 14 నుండి 16 వరకు నామినేషన్లను స్వీకరించారు. చివరి రోజు కావడంతో పలు రాజకీయ పార్టీల అభ్యర్థులు, స్వతంత్రులు భారీ ఎత్తున తరలివచ్చి తమ నామినేషన్ పత్రాలను దాఖలు చేశారు. ఈ ఎన్నికల్లో కూటమి (టీడీపీ, జనసేన, బీజేపీ) తరఫున మేయర్ అభ్యర్థిగా తెలుగుదేశం పార్టీ నుండి పేరం ఏడుకొండలు నామినేషన్ వేయగా, వైఎస్సార్ కాంగ్రెస్ పార్టీ, సీపీఎం, సీపీఐ మరియు స్వతంత్ర అభ్యర్థులు కూడా పెద్ద సంఖ్యలో నామినేషన్లు దాఖలు చేశారు. కమిషనర్ అలీమ్ భాష వెల్లడించిన వివరాల ప్రకారం, రెండో రోజు ముగిసే సమయానికి మేయర్ పదవికి మొత్తం 8 నామినేషన్లు దాఖలవగా, చివరి రోజైన నవంబర్ 16న దాఖలైన నామినేషన్లతో కలిపి పూర్తి స్థాయి తుది గణాంకాలను ఎన్నికల అధికారులు ఇంకా అధికారికంగా వెల్లడించాల్సి ఉందని అన్నారు. ఎన్నికల షెడ్యూల్ ప్రకారం, నవంబర్ 17 ఉదయం 11 గంటల నుండి నామినేషన్ల పరిశీలన (స్క్రూటినీ) ప్రక్రియ జరగనుంది. నామినేషన్ల ఉపసంహరణకు నవంబర్ 19 చివరి తేదీ కాగా, నవంబర్ 26న ఉదయం 7 నుండి సాయంత్రం 5 గంటల వరకు పోలింగ్ నిర్వహించి, నవంబర్ 30న ఓట్ల లెక్కింపు మరియు ఫలితాలను ప్రకటిస్తారు.

ట్యాగ్‌లు

సంబంధిత వార్తలు

కామెంట్‌లు (0)

హోమ్