కృష్ణాష్టమి వేడుకల్లో అలరించిన చిన్నారులు

ప్రజాశక్తి - ఆలమూరు :

మండల కేంద్రంలోని శ్రీ సిద్ధార్థ పాఠశాలలో పాఠశాల డైరెక్టర్ కె.ముల్లారావు ఆధ్వర్యంలో కృష్ణాష్టమి వేడుకలు గురువారం ఘనంగా నిర్వహించారు. ఈ సందర్భంగా పాఠశాల డైరెక్టర్ ముల్లారావు మాట్లాడుతూ... విద్యార్థిని విద్యార్థులందరికీ శ్రీకృష్ణ జన్మాష్టమి శుభాకాంక్షలు తెలియజేశారు. ఈ సందర్భంగా జరిగిన సాంస్కృతి కార్యక్రమాల్లో భాగంగా పలువురు చిన్నారులు... యశోద, కృష్ణుడు, గోపికలు వేషధారణలతో నృత్యాలు చేసి అలరించారు. అలాగే పాఠశాల ఆవరణలో ఉట్టి కొట్టే కార్యక్రమంలో ప్రిన్సిపాల్ విష్ణు, జెసినా జోసెఫ్, ఉపాధ్యాయులు, విద్యార్థులు పెద్ద సంఖ్యలో పాల్గొన్నారు.