చెముడులంకలో భారీ అన్నసమారాధన

ప్రజాశక్తి - ఆలమూరు (కోనసీమ) : గణపతి నవరాత్రి ముగింపు ఉత్సవాలను పురస్కరించుకుని మండలంలోని చెముడులంకలో ఆదివారం భారీ అన్నసమారాధన నిర్వహించారు. స్థానిక నాలుగు వీధుల కూడలిలో కాణిపాక శ్రీ వరసిద్ధి వినాయక స్వామి వారి కమిటీ, గ్రామస్తుల సహకారంతో పిండి వంటలతో విందు భోజనాన్ని తలపించేలా ఈ అన్నసమారాధనను ఘనంగా ఏర్పాటు చేశారు. ఇందులో చెముడులంకతో పాటుగా పరిసర ప్రాంతాల నుంచి సుమారు ఆరు వేల మంది వరకు విచ్చేసి ఈ అన్నప్రసాదాన్ని స్వీకరించారు. ఈ సందర్భంగా ఆలయ కమిటీ ఆధ్వర్యంలో పలు సాంస్కృతిక కార్యక్రమాలను ఏర్పాటు చేశారు.