తుఫాను బాధితులకు పరిహారం అందించిన తాసిల్దార్ విమల కుమారి

ప్రజాశక్తి-గన్నవరం :

ఇటీవల సంభవించిన తుపాను ప్రభావంతో ఉంగుటూరు మండలంలో నిర్వాసితులైన బాధితులకు తహసీల్దార్ జాలాది విమల కుమారి శుక్రవారం నిత్యావసరాలు, నగదు పరిహారం అందజేశారు. మండలంలోని మానికొండ, కొయ్యగూరపాడు తదితర గ్రామాల్లో ఆమె స్వయంగా పర్యటించి బాధితులను పరామర్శించారు. ఈ సందర్భంగా తుపాను బాధిత కుటుంబాలకు తక్షణ సాయంగా రూ. 1,000 నగదుతో పాటు 25 కిలోల చొప్పున బియ్యాన్ని పంపిణీ చేశారు. తుపాను కారణంగా నష్టపోయిన ప్రతి కుటుంబాన్నీ ప్రభుత్వం అన్ని విధాలా ఆదుకుంటుందని, ఎవరూ అధైర్యపడవద్దని తహసీల్దార్ తెలిపారు.