షోపియాన్‌లో ఉగ్రవాద నిధుల ముఠా గుట్టురట్టు

శ్రీనగర్‌ : జమ్మూ కాశ్మీర్‌లోని షోపియాన్‌ జిల్లాలో ఉగ్రవాద కార్యకలాపాలకు నిధులు సమకూరుస్తున్నట్లు అనుమానిస్తున్న నెట్‌వర్క్‌ను గుర్తించినట్లు పోలీసులు శుక్రవారం తెలిపారు. ఈ కేసులో 10 మంది సహచరులను అరెస్టు చేశామని అన్నారు. వివిధ ఆన్‌లైన్‌ చెల్లింపు వేదికల ద్వారా జరిగిన అనుమానాస్పద ఆర్థిక లావాదేవీలపై దర్యాప్తు చేపట్టి, డబ్బు లావాదేవీల జాడలను గుర్తించినట్లు తెలిపారు. జైళ్లలో ఉన్న ఉగ్రవాదులు, వారి సహచరులతో సంబంధాలున్న వ్యక్తుల నెట్‌వర్క్‌ ఈ దర్యాప్తులో బయటపడిందని పేర్కొన్నారు.