సిపిఎం సీనియర్ నాయకులు మేకల రంగారెడ్డి మృతి

ప్రజాశక్తి-తిరుపతి : సిపిఎం సీనియర్ నాయకులు, రొంపిచర్ల, పులిచెర్ల మండలాల్లో రాజకీయ, సామాజిక రంగాల్లో తనదైన ముద్ర వేసిన మేకల రంగారెడ్డి గారు అనారోగ్యంతో సోమవారం మృతి చెందారు. ఆయన భౌతికకాయాన్ని పులిచెర్లలోని సాయిబాబా ఆలయం సమీపంలో ప్రజల సందర్శనార్థం ఉంచారు. ఈరోజు మధ్యాహ్నం 2 గంటలకు అంత్యక్రియలు నిర్వహించనున్నట్లు కుటుంబ సభ్యులు తెలిపారు. ఈ సందర్భంగా పలువురు స్థానికులు మాట్లాడుతూ.. రంగారెడ్డి మరణం అత్యంత బాధాకరమని అన్నారు. ప్రజా సమస్యలపై ఆయన చూపిన శ్రద్ధ, సేవాభావం, సాదాసీదా వ్యక్తిత్వం, ప్రజల పట్ల ఆయనకున్న అంకితభావం ఎప్పటికీ మరువలేనివని పేర్కొన్నారు. ఆయన కుటుంబ సభ్యులకు ప్రగాఢ సానుభూతిని తెలియజేశారు.