విశాఖలో కొనసాగుతున్న వర్షాలు.. 24 గంటల్లో 42 మి.మీ. నమోదు

విశాఖ : అర్నబ్ తుఫాను ప్రభావంతో జిల్లాలో వర్షాలు కొనసాగుతున్నప్పటికీ, వర్షపాతం తీవ్రత తగ్గుముఖం పట్టింది. అక్టోబర్ 28వ తేదీ ఉదయం 8.30 గంటల నుంచి 29వ తేదీ ఉదయం 8.30 గంటల వరకు జిల్లా వ్యాప్తంగా సగటున 42.0 మి.మీ. వర్షపాతం నమోదైనట్లు అధికారిక రెవెన్యూ నివేదిక వెల్లడించింది. జిల్లాలో అత్యధికంగా విశాఖపట్నం రూరల్ మండలంలో 59.8 మి.మీ. వర్షపాతం నమోదైంది. పెందుర్తిలో 58.2, భీమునిపట్నంలో 56.0, మహారాణిపేటలో 44.0, పద్మనాభంలో 43.8, సీతమ్మధారలో 42.2, ఆనందపురంలో 40.2, గాజువాకలో 38.2, గోపాలపట్నంలో 33.4, ములగాడలో 27.0 మి.మీ. వర్షపాతం నమోదైంది. పెదగంట్యాడలో అత్యల్పంగా 18.8 మి.మీ. వర్షం కురిసింది. తుఫాను ప్రభావంతో పలు ప్రాంతాల్లో వర్షాలు కురుస్తున్న నేపథ్యంలో ప్రజలు అప్రమత్తంగా ఉండాలని అధికారులు సూచిస్తున్నారు.