ఆచంటలో మూతపడిన బ్యాంకులు

ప్రజాశక్తి-ఆచంట (పశ్చిమ గోదావరి జిల్లా) : పశ్చిమ గోదావరి జిల్లా ఆచంట మండలంలో బ్యాంకింగ్ సేవలకు అంతరాయం ఏర్పడింది. 5 రోజుల పని దినాలు అమలు చేయాలని కోరుతూ .... యునైటెడ్ ఫారం ఆఫ్ బ్యాంక్ యూనియన్ పిలుపులో భాగంగా దేశవ్యాప్త సమ్మె కారణంగా శుక్రవారం మండలంలో ఆచంట, కొడమంచిలి , వల్లూరు గ్రామాల్లో ఉన్న బ్యాంకులు మూతపడ్డాయి. అన్ని శనివారాలను సెలవు దినాలుగా ప్రకటించాలని  పెన్షన్ల పెంపు, ఓ పి ఎస్ అమలు వంటి డిమాండ్లతో ఈ సమ్మె చేపట్టినట్లు బ్యాంక్ అధికారులు తెలిపారు. కాగా ప్రభుత్వ రంగ బ్యాంకుల్లో నగదు జమలు, విత్ డ్రాయల్స్, చెక్కుల క్లియరెన్స్ వంటి  బ్యాంక్ సేవలకు ఆటంకం కలిగింది. మొబైల్ బ్యాంకింగ్ ఏటీఎం సేవలు యథావిధంగా కొనసాగుతున్నాయి.