అప్పుల బాధతో ఉరేసుకొని రైతు ఆత్మహత్య

ప్రజాశక్తి - బ్రహ్మంగారి మఠం (కడప) : అప్పుల బాధతో రైతు ఉరేసుకొని ఆత్మహత్య చేసుకున్న ఘటన బుధవారం కడప జిల్లా బ్రహ్మంగారి మఠంలో జరిగింది. బ్రహ్మంగారి మఠం మండలంలోని జి.నరసింహాపురం గ్రామంలో ఈరోజు చెన్నుబోయిన సుబ్బారాయుడు (45) అనే రైతు రూ.30 లక్షల వరకు అప్పులపాలయ్యాడు. ఆ అప్పులు ఎలా తీర్చాలో, ముగ్గురు పిల్లలు, భార్యను ఎలా పోషించాలో దిక్కుతోచక తోట వద్ద చెట్టుకు ఉరేసుకొని ఆత్మహత్య చేసుకున్నారు. ఈ సమాచారం తెలుసుకున్న పోలీసులు సంఘటనా స్థలానికి చేరుకొని విచారణ చేపట్టారు.