జిల్లా ఉత్తమ ప్రధానోపాధ్యాయురాలిగా జయలక్ష్మి

ప్రజాశక్తి–రాజంపేట: రాజంపేటలోని పీఎం శ్రీ బాలికల జడ్పీహెచ్‌ఎస్ ప్లస్ పాఠశాల ప్రధానోపాధ్యాయురాలు కే. జయలక్ష్మి జిల్లా ఉత్తమ ప్రధానోపాధ్యాయురాలిగా ఎంపికయ్యారు. ఈ సందర్భంగా జాయింట్ కలెక్టర్ నిధిమీనాతో పాటు ఇతర ఉన్నతాధికారుల చేతుల మీదుగా ఆమె ప్రశంసాపత్రాన్ని అందుకున్నారు. సర్వేపల్లి రాధాకృష్ణన్ జయంతిని పురస్కరించుకుని శనివారం కడప నగరంలోని కలెక్టరేట్ సభా భవనంలో నిర్వహించిన గురుపూజోత్సవ కార్యక్రమంలో జయలక్ష్మికి ఈ గౌరవం లభించింది. విద్యార్థుల అభ్యున్నతికి అంకితభావంతో, నిజాయితీగా సేవలందిస్తున్నందుకు గుర్తింపుగా ఈ పురస్కారం దక్కిందని పలువురు పేర్కొన్నారు. జిల్లా ఉత్తమ ప్రధానోపాధ్యాయురాలిగా ఎంపికైన జయలక్ష్మికి విద్యార్థులు, ఉపాధ్యాయులు, రాజంపేట మండల ప్రజలు హర్షం వ్యక్తం చేస్తూ అభినందనలు తెలిపారు.